സാംസങിന്റെ പുതിയ ബജറ്റ് സ്മാര്‍ട്ട്‌ഫോണ്‍ ഇന്ത്യന്‍ വിപണിയില്‍ ; വില വെറും 6999 രൂപ
സാംസങ് തങ്ങളുടെ പുതിയ ബജറ്റ് സ്മാര്‍ട്ട്‌ഫോണ്‍ ഇന്ത്യയില്‍ ലോഞ്ച് ചെയ്തു. സാംസങ് തങ്ങളുടെ M സീരീസിലേക്ക് പുതിയതായി ഗാലക്സി എം07 (Samsung Galaxy M07) എന്ന 4ജി സ്മാര്‍ട്ട്‌ഫോണ്‍ ആണ് അവതരിപ്പിച്ചിരിക്കുന്നത്. സാംസങ് ഗാലക്സി M07 മോഡലിന്റെ വില 7699 രൂപയാണ്, എന്നാല്‍ ആമസോണില്‍ നിന്ന് ഓണ്‍ലൈനായി വാങ്ങുമ്പോള്‍ 6,999 രൂപ വിലയില്‍ ഈ സ്മാര്‍ട്ട്‌ഫോണ്‍ വാങ്ങാനാകും. 167.4 x 77.4 x 7.6mm വലിപ്പവും 184 ഗ്രാം ഭാരവും ഗാലക്സി എം07ന് ഉണ്ട്. ബ്ലാക്ക് കളര്‍ ഓപ്ഷനിലാണ് ഈ ഫോണ്‍ വാങ്ങാന്‍ സാധിയ്ക്കുക.
50MP മെയിന്‍ ക്യാമറയും 2MP ഡെപ്ത് സെന്‍സറും അടങ്ങുന്ന ഡ്യുവല്‍ റിയര്‍ ക്യാമറ സജ്ജീകരണം, 6 OS അപ്ഡേറ്റുകള്‍, 6 വര്‍ഷത്തെ സുരക്ഷാ അപ്ഡേറ്റുകള്‍ എന്നീ ഫീച്ചറുകള്‍ ഈ ബജറ്റ് സ്മാര്‍ട്ട്‌ഫോണ്‍ വാഗ്ദാനം ചെയ്യുന്നുണ്ട്. 90Hz റിഫ്രഷ് റേറ്റ് ഉള്ള 6.7 ഇഞ്ച് (720 x 1600 പിക്‌സലുകള്‍) HD+ LCD സ്‌ക്രീന്‍ ആണ് ഇതിലുള്ളത്. ഒക്ട കോര്‍ മീഡിയടെക് ഹീലിയോ G99 6nm പ്രോസസര്‍ (2x കോര്‍ടെക്‌സ്-A76 @ 2.2GHz 6x കോര്‍ടെക്‌സ്-A55 @ 2GHz) ആണ് ഈ ഫോണിന്റെ കരുത്ത്. ആം മാലി G57 MC2, 4GB LPDDR4X റാം, 64GB eMMC 5.1 സ്റ്റോറേജ്, മൈക്രോ എസ്ഡി വഴി 2TB വരെ സ്റ്റോറേജ് വര്‍ധിപ്പിക്കാനുള്ള സൗകര്യം എന്നിവ ഇതിലുണ്ട്. ആന്‍ഡ്രോയിഡ് 15 അടിസ്ഥാനമാക്കിയുള്ള വണ്‍ UI 7 -ല്‍ ആണ് പ്രവര്‍ത്തനം. സാംസങ് ഗാലക്സി എം07 ഡ്യുവല്‍ റിയര്‍ ക്യാമറ സജ്ജീകരണവുമായി എത്തുന്നു. അതില്‍ f/1.8 അപ്പേര്‍ച്ചറുള്ള 50MP മെയിന്‍ ക്യാമറ, f/2.4 അപ്പേര്‍ച്ചറുള്ള 2MP ഡെപ്ത് സെന്‍സര്‍, LED ഫ്‌ലാഷ് എന്നിവ അടങ്ങുന്നു.
സെല്‍ഫിക്കും വീഡിയോ കോളുകള്‍ക്കുമായി f/2.0 അപ്പേര്‍ച്ചറുള്ള 8MP ഫ്രണ്ട് ഫേസിംഗ് ക്യാമറയും ഇതിലുണ്ട്. സൈഡ്-മൗണ്ടഡ് ഫിംഗര്‍പ്രിന്റ് സ്‌കാനര്‍, 3.5mm ഓഡിയോ ജാക്ക്, അണ്ടര്‍ -പോര്‍ട്ടഡ് സ്പീക്കര്‍, പൊടി, സ്പ്ലാഷ് പ്രതിരോധത്തിനായി IP54 റേറ്റിങ്, ഡ്യുവല്‍ 4G VoLTE, Wi-Fi 802.11 ac (2.4GHz + 5GHz), ബ്ലൂടൂത്ത് 5.3, GPS + GLONASS, USB ടൈപ്പ്-സി പോര്‍ട്ട് എന്നീ ഫീച്ചറുകളും ഉണ്ട്. 25W ഫാസ്റ്റ് ചാര്‍ജിംഗിന് പിന്തുണയുള്ള 5000mAh ബാറ്ററിയാണ് ഈ സാംസങ് ഫോണിലുള്ളത്. എന്നാല്‍ ബോക്‌സില്‍ ചാര്‍ജര്‍ ഇല്ല.
